Landeigendafélag Sléttu- og Grunnavíkurhrepps var stofnað 10. mars 1973. Tildrög stofnunar voru þau Náttúrverndarráð sendi 2. febrúar 1973 út tillögur um Sléttuhrepps og hluta Grunnavíkurhrepps, en svæðið var að lokum friðlýst 1975. Tilgangur félagsins er að gæta hagsmuna félagsmanna varðandi réttindi þeirra í fyrrum þessum fyrrum hreppum. Fyrsti formaður félagsins var Guðni Jónsson frá Sléttu, Sigurjón Hilaríusson frá Steinólfsstöðum var ritari, Þorvarður Jónsson frá Látrum og Neðri-Miðvík var gjaldkeri og meðstjórnendur voru Arnór Stígsson frá Horni og Magnús Guðmundsson frá Þverdal. Varamenn voru Guðmundur Sigurðsson frá Hesteyri, Þórður Júlíusson frá Fljótavík og Magnús Reynir Guðmundsson frá Hesteyri.

Félagsmenn geta þeir orðið, sem eiga réttindi yfir fasteignum í fyrrum Sléttu- og Grunnavíkurhreppi, það er jörðum, einstökum lóðum og húsum. 

Grunnavíkurhreppur sameinaðist Snæfjallahreppi 1. janúar 1964. Snæfjallahreppur var sameinaður Ísafjarðarkaupstað 11. júní 1994. Sléttuhreppur var sameinaður Ísafjarðarkaupstað 14. desember 1995 með lögum frá Alþingi.

Landeigendafélagið á 3 fulltrúa í Hornstrandanefnd sem er ráðgjafarnefnd um Hornstrandafriðlandið.