Hreinsunarátak á Hornströndum 2015

• Landeigendafélag Sléttu- og Grunnavíkurhrepps
• 21.04.2015

Gert verður hreinsunarátak á Hornströndum laugardaginn 23. maí. Svipað átak var gert snemma sumars í fyrra og þótti takast með eindæmum vel. Aragrúi af plastrusli sem lent hefur í sjónum endar á þessum slóðum og er talsvert verk að vinna. Í fyrra var hreinsað í Hlöðuvík og Kjaransvík, en að þessu sinni verður farið fyrir Horn og hreinsað í Látravík við Hornbjargsvita og eins langt suður eftir og mannskapur og tími leyfa (Hrollaugsvík, Smiðjuvík, Barðsvík, Bolungarvík).

Aðalfundur Landeigendafélags Sléttu- og Grunnavíkurhrepps 4. maí 2015

• Landeigendafélag Sléttu- og Grunnavíkurhrepps
• 20.04.2015

Aðalfundur Landeigendafélags Sléttu- og Grunnavíkurhrepps verður mánudaginn 4. maí 2015 í fundarsal Nýherja hf, Borgartúni 37 Reykjavík. Fundurinn hefst kl. 17:00.

Dagskrá er skv. lögum félagsins:

1. Skýrsla stjórnar.
2. Lagðir fram endurskoðaðir ársreikningar.
3. Lagabreytingar.
4. Stjórnarkjör.
5. Kjör tveggja endurskoðenda til 2ja ára í senn og tveggja til vara.
6. Tekin ákvörðun um árgjald til félagsins.
7. Önnur mál.

Að loknum venjubundnum aðalfundarstörfum mun Jón Björnsson, formaður Hornstrandanefndar, kynna nýjan landvörð, ræða um málefni Hornstrandafriðlands og svara spurningum fundarmanna.

Deiliskipulagsmál í Hornstrandafriðlandi

• Landeigendafélag Sléttu- og Grunnavíkurhrepps
• 26.06.2014

Aðalfundur Landeigendafélags Sléttu- og Grunnavíkurhrepps sem var haldinn 26. maí 2014 sl. beindi eftirfarandi ályktun til Ísafjarðarbæjar:

Aðalfundur Landeigendafélags Sléttu og Grunnavíkurhrepps (LSG) beinir því til Ísafjarðarbæjar að hann hlutist til um að hefja gerð deiliskipulags í samvinnu við LSG í þeim byggðakjörnum í Friðlandinu sem fjölsóttastir eru af ferðamönnum. Vinna þessi skal hefjast eins fljótt og við verður komið með það að markmiði að a.m.k. drög að skipulagi liggi fyrir vorið 2015. Kostnaður við verkið greiðist af Ísafjarðarbæ.

Viðhaldsverkefni í Hornstrandafriðlandi 2014

• Landeigendafélag Sléttu- og Grunnavíkurhrepps
• 17.06.2014

Umhverfisstofnun mun standa fyrir tveimur stórum viðhaldsverkefnum í Hornstrandafriðlandi í sumar. Annars vegar verður unnið í stígum við og á Hesteyri, hins vegar verða vörður og stígur í Veiðileysufirði lagfærð.

Vörðuviðhald á Innri Hesteyrarbrúnum

• Landeigendafélag Sléttu- og Grunnavíkurhrepps
• 17.06.2014

Sumarið 2013 fór fram viðhald á vörðum á Innri Hesteyrarbrúnum. Fékkst styrkur frá Framkvæmdasjóði ferðamannastaða til verksins. Sjálfboðasamtök Umhverfisstofnunar útveguðu 6 erlenda sjálfboðaliða til verkefnsins. Kristín Auður Elíasdóttir, skrúðgarðyrkjufræðingur, sérfræðingur í grjóthleðslu stjórnaði og hafði faglega umsjón með verkefninu.

Hafnað að ógilda sorpgjald sumarhúss í Jökulfjörðum

• Landeigendafélag Sléttu- og Grunnavíkurhrepps
• 17.06.2014

Úrskurðarnefnd umhverfis- og auðlindamála hefur hafnað að ógilda ákvörðun Ísafjarðarbæjar um að leggja á sorpgjald vegna fasteignar í Jökulfjörðum.

Umfjöllun Íslands í dag um hreinsunarferð á Hornstrandir

• Landeigendafélag Sléttu- og Grunnavíkurhrepps
• 10.06.2014

Ísland í dag fjallaði um hreinsunarferð í Kjaransvík, Hlöðuvík og Hælavík. Tekin voru viðtöl við Jón Björnsson, Gauta Geirsson og Eyvind Eiríksson. 

Mikið rusl tínt Hælavík, Hlöðuvík og Kjaransvík

• Landeigendafélag Sléttu- og Grunnavíkurhrepps
• 07.06.2014

Mikill fjöldi fólks sigldi með bát Sjóferða og svo gekk fjörur í Hælavík, Hlöðuvík og Kjaransvík í dag. Safnað var saman rusli í fjörum og ósum. Er óhætt að segja að mikið rusl safnaðist. Björgunarfélag Ísafjarðar kom með pramma og fyllti hann af rusli, en þó er um helmingurinn ef eftir í fjörum. Áætlað er að það rusl  sem fór í prammann vikti á bilinu 4-5 tonn.

Mikið vatn í ám og vötnum á Hornströndum

• Landeigendafélag Sléttu- og Grunnavíkurhrepps
• 06.06.2014

Jón Björnsson landvörður flaug með Herði Ingólfsyni norður í Hornvík í dag, föstudaginn 6. júní. Horníkin er mjög blaut og hluti tjaldsvæðisins er undir vatni. Hafnarskarð, Kjaransvíkurskarð og Þorleifsskarð eru öll fær en brattir snjóskaflar í þeim. Mjög mikið vatn er í öllum ám enda leysir snjó hratt. Hafnarósinn var langt yfir bakka sýna við Kýrvað. Allur innri hluti Fljótavíkur er undir snjó og krapi á vatninu. Talsverður snjór er í innvíkum að norðanverðu og allt niður að láglendi í Hornvík. Aurskriður geta auðveldlega farið af stað þegar hlánar.

Mikill snjór á Hornströndum

• Landeigendafélag Sléttu- og Grunnavíkurhrepps
• 05.06.2014

Landhelgisgæslan flaug með landvörð yfir Hornstrandafriðland fimmtudaginn 5. júní. Mikill snjór er enn á svæðinu og mög blautt er á láglendi. Fjallaskörð eru sennilega orðin fær en allar merkingar, vörður og vegir undir sjó.