Veiðileysufjörður
Á Þrætuparti er kamar og smávegis tjaldstæði. Þar er einning lendingin þegar náð er í ferðamenn eða komið með þá.
![Í Veiðileysufirði getur snemmsumars legið móður í fjörunni](/s_files/images/5/84/l_image593f01502cdc5.jpg)
Í Veiðileysufirði getur snemmsumars legið móður í fjörunni
Gönguleiðin liggur inn fjörðinn og upp úr Veiðileysudal. Göngustígurinn getur á köflum verið ógreinilegur.
![Hoft til baka yfir Veiðileysufjörð](/s_files/images/5/84/l_image593f0150ccb95.jpg)
Hoft til baka yfir Veiðileysufjörð
Ofarlega má fylgja vörðum sem liggja að Hafnarskarði. Skarðið liggur í 519 metra hæð. Oftast er snjór beggja vegna skarðsins og sé farið snemmsumars þarf e.t.v. að sparka spor á uppleið og nota hælana á niðurleið.
![Horft upp í Hafnarskarð á leið upp úr Veiðileysufirði](/s_files/images/5/84/l_image593f015182ab1.jpg)
Horft upp í Hafnarskarð á leið upp úr Veiðileysufirði
![Í Hafnarskarði liggur oft þoka](/s_files/images/5/84/l_image593f015224617.jpg)
Í Hafnarskarði liggur oft þoka
Úr Hafnarskarði sést vel yfir Hornvík og Veiðileysufjörð í góðu veðri. Frá Hafnarskarði er varðað niður undir Víðirshlíð. Komið er niður á láglendið rétt innan við húsið í Höfn. Þaðan er fylgt stíg að tjaldstæðinu þar sem er landvarðarhús og vatnssalerni. Snemmsumars þarf að nota kamarinn.
![Hoft yfir Hornvík úr Hafnarskarði](/s_files/images/5/84/l_image593f0152e6581.jpg)
Hoft yfir Hornvík úr Hafnarskarði